وقتی کی دونیا ایسه ولاوایی
با حساب آقایه دوره کولایی
کله سر خور بگه قوری قابدانا
را نده پشه خو خانه لابدانا
زرد سگ شالانه زاکه جیگیره
حج حجی خانه کرایه فگیره
زیزا ورزایه بگه جین جیره جیس
بولبولی اورگانه کوفتی کورکاپیس
گازو گازه خاله هرگز وانبه
دبکه پیس کلاچه دس دبه
پیاده سواره ترسه بداره
چی چی نی مناره ترسه بداره
خر بیچاره گولی خاش بیگیره
گوشنگی واشه مره سگ بیمیره
هیچم، هیچمو هیچی می نامه وابرازه
جی می بالاترانم خودا بزه